لما يتعلق الأمر بأنك تحصلي على بشرة جميلة ، بيبقى عندك استعداد تعملي أي حاجة . بتشتري مرطبات غالية أو بتروحي تجربي أي علاج جديد بيظهر، مبتسبيش أي حاجة عشان بشرتك تبقى أفضل ومبتعمليهاش. ومع ذلك، لسه بشرتك مش زي مانتي عاوزها، لسه بتحسي إنها مشققة وخشنة . بنقدملك مجموعة من الأكلات اللي بتساعد في تغذية البشرة من جوه ومن بره.

1- الخضار والفواكه . الخضروات والفواكه غنية بالمواد المضادة للاكسدة اللي بتساعد في حماية البشرة من تلف الخلايا. احرصي على إنك تأكلي فواكه وخضروات كتير بجميع ألوانها وحاولي أنك متاكليش أقل من خمس حصص يوميًا.

2- فيتامين سي. فيتامين سي بيساعد على تقوية جهاز المناعة، وبيمنح البشرة رونق وكمان بيساعد في معالجة العيوب بشكل صحيح. فيتامين سي موجود فالزبيب الأسود، والتوت، والقرنبيط ، والجوافة ، والكيوي ، والبرتقال ، والبابايا ، والفراولة ، والبطاطا الحلوة .

3- قاطعي أنظمة الرجيم القاسية . كل ما يقل أو يزيد وزنك باستمرار بيتسبب في إضرار بشرتك، وبتظهر الترهلات ، والتجاعيد، وعلامات تمدد الجلد. وللسبب ده بننصحك بإنك تبعدي عن اتباع أنظمة الرجيم القاسية اللي بتخليكي تفقدي الفيتامينات الأساسية لبشرتك .

4- فيتامين E . بتمتع فيتامينE بقدرته على حماية بشرتك من التلف التأكسدي ودعم النمو الصحي للجلد. والفيتامين ده ممكن تحصلي عليه من اللوز، والأفوكادو، والبندق، والصنوبر، والجوز ، وبذور عباد الشمس ، وزيت الذرة .

5- اشربي مياه . الجلد بتحتاج للرطوبة عشان يفضل مرن. اشربي من ستة إلى ثمانية أكواب من الماء يومًيا. ممكن تشربي أي نوع من السوائل اللي تحبيها بس المياه هي الأفضل .

6- الدهون المفيدة . متخافيش من الدهون زي الدهون الأحادية غير المشبعة والدهون المتعددة غير المشبعة – وأنواع الدهون ديه موجودة في الأفوكادو ، والسمك ، والمكسرات ، والبذور ، وبتحتوي على الأحماض الدهنية الأساسية التي تكون بمثابة مرطب طبيعي لبشرتك ، وبتخليها تفضل نضرة .

وأخيرًا ، قبل ما تعتمدي على الكريمات ، اتأكدي من أنك بتعملي الحاجات اللي بتحافظ على بشرتك من الداخل . للحفاظ على بشرتك يتغذى من الداخل .